Bjarnveig Birta Bjarnadóttir
Bjarnveig Birta, sem er alltaf kölluð Birta, er 33 ára og starfar sem rekstrarstjóri hjá íslenska framleiðslufyrirtækinu Tulipop. Birta er með B.Sc. gráðu í viðskiptafræði og M.Sc. gráðu í stjórnun og stefnumótun frá Háskóla Íslands.
Birta ólst upp í Breiðholti, útskrifaðist með stúdentspróf úr Kvennaskólanum árið 2012 en býr í dag í Rimahverfi Grafarvogs ásamt eiginmanni sínum Pétri Frey Sigurjónssyni og þremur börnum 2, 5 og 6 ára.
Birta gefur kost á sér í forprófkjöri Ungs jafnaðarfólks (UJ) sem fer fram 12.-13. desember. Forprófkjörið er prófkjör þar sem að félagar Hallveigar, ungs jafnaðarfólks í Reykjavík, munu kjósa tvo einstaklinga sem verða fulltrúar ungs fólks í flokksvali Samfylkingarinnar í Reykjavík þann 24. janúar 2026.
Áherslumál
Betri rekstur
borgarinnar
Stjórnsýslan í borginni virðist farin að ganga framar sjálfri þjónustunni. Við verðum að búa til kvika borg sem virkar fyrir Reykjavíkurbúa.
Borgin á að auðvelda Reykjavíkurbúum daglega lífið og að leysa þær áskoranir sem skipta fólk raunverulegu máli. Það skortir ekki fjármagn hjá borginni en það þarf að forgangsraða betur.
Fjölgum leikskóla-kennurum
Starf leikskólakennara á að vera skemmtilegasta starf í heimi, löðum fólk að leikskólakennarastarfinu.
Við þurfum að taka róttæk skref strax til að betrumbæta starfsaðstæður leikskólakennara á höfuðborgasvæðinu, sýnum að við getum brugðist hratt við.
Byggjum hraðar
& meira
Við þurfum að hraða húsnæðisuppbyggingu, ráðast strax í að skipuleggja stærri uppbyggingarsvæði svo hægt sé að byggja meira, hraðar og á hagkvæmari hátt.
Það er alveg hægt að halda áfram eðlilegri þéttingu byggðar á sama tíma og við brjótum nýtt land.
